白茄子炆蝦乾冬菇欖豉 Stewed White Eggplant, Dried Shrimp, Mushroom and Preserved Olive

白茄子(白矮瓜)新鮮買回來，嫩白可愛。

炆起後，皮色變為灰白，冇咁靚。矮瓜無論白皮紫皮，就咁炆煮都會變色，除非用大量油泡一泡，紫皮色澤可以保留，白皮我未試過。

不過我極少用油泡油炸做菜，住家小菜就咁炆。

準備好材料，先爆炒蝦乾冬菇，加調味炆煮至入味。

再炒香紅椒同欖豉備用。

爆香薑蒜起鑊，爆炒白矮瓜，贊水贊酒，加蓋炆煮一陣。再落蝦乾瓜菇，再加蓋炆一陣。再落紅椒，最後落欖豉，再炆至收汁，灑上蔥粒上碟。