關廟麵與新竹米粉 Taiwan Guanmiao Noodle And Xinzhu Vermicelli

商場最近開左間阿信屋，真係好！唔駛成日都係百佳惠康，千篇一律。
入去走左轉，最吸引我既唔係日本食品，而係呢包大大包又墜手既「關廟麵」。

其貌不揚，就係鍾意佢個包裝夠土氣，個名又特別。我估係關帝廟門前有檔賣麵既，整得好好食，賣到開晒巷，就成為經典地方麵食掛。網上查一查，好似唔係喎。「關廟麵是由台南縣關廟鄉這傳統的農業鄉村所生產製造的。歷史己有百餘年之久。」http://www.seawlth.com/noodle.htm 關廟麵簡介。
全素、用過濾純水、日光曬製，好特別喎。

行兩行又買多包「新竹米粉」，睇下個包裝袋幾土氣！就係鍾意咁既包裝。包裝袋後面仲詳細教埋點樣處理米粉添，不過我驚跟佢咁整會炒到碎晒喎。

仲未得閒整黎食呀。有咩好提議，點整好呢？

關廟麵$25.9，新竹米粉$7.9乍。