今日終於可以試煲喇。先請阿Patrick仔出場(Staub 20cm basil green cocotte)。
買左兩包豬手，先徹底出水10分鐘，再清淨乾淨，用廚房剪幫手起肉去骨。如果唔去骨，會刮花阿Patrick仔架。
蓮藕適量切小片。另備八角兩粒，冰糖適量，紹酒適量，薑片適量。
簡單開煲後(暖水洗淨抹乾掃油燒熱，再用暖水沖洗抹乾)，燒熱煲，落油同薑片，爆一爆豬手。
加入兩碗水，落八角，加蓋煮至滾，改細火炆半小時。
加入冰糖、豉油、雞粉、紹酒、鹽，再加蓋炆半小時。加入蓮藕，再炆半小時至四十五分鐘。
全程都唔駛再加水，基本上唔駛睇火，呢個係同用瓦煲炆既一個好大分別。炆至豬手腍身兼上色，汁液濃稠適中，即成。
炆得好靚呀, 我都要試吓先得, 不過我果個係20cm, 可能唔夠大.
回覆刪除晚安！個然好煲！
回覆刪除我呢個都係20cm呀，五六個人食都夠架喇。可以炆到一大煲。
回覆刪除佢鎖水慢煮最了得。
回覆刪除蓮藕賣飛佛也，不過我只得瓦煲，照炆也吧。
回覆刪除我卒之買到水煲啦 係美雅品牌呀 哈哈哈 你呢個煲我好有興趣啊 成千元一個是嗎 我會買啊 聽你講鎖水好 成日煮野既我 應該值得買嚟用啊 嘻嘻
回覆刪除瓦煲炆都好正，不過要勤睇火。各有各特色。
回覆刪除我呢個20cm煲仔999元。
回覆刪除