臘味蘿蔔糕食得太多，臘味味濃，越多料，越靚料，就越會奪去蘿蔔清甜的原味。
街鋪粥鋪多有賣蘿蔔糕，不少是真正蘿蔔糕，稀稀粘米粉蒸糕，蒸出一pat，除蘿蔔外，別無其他材料。
初時覺得被搵笨，但想真D，此乃正式原味蘿蔔糕也！蘿蔔靚的話，入口清甜，原汁原味，加些豉油，已很可口。
今日逛街市見蘿蔔肥美可愛，就想起了這款純正蘿蔔糕。
材料：蘿蔔一個，粘米粉細半袋(600g一袋)，薑適量。
調味：鹽、雞粉(想再清D可以不落)
做法：
1蘿蔔去皮刨絲，瀝出汁液備用。
2粘米粉用蘿蔔水開成稀糊狀。
3燒熱鑊落少少油，爆香薑粒，再炒香蘿蔔絲，炒至透明。
4加入粘米粉稀糊，加調味料，攪勻。
5將以上材料倒人淺盆或糕模內。
6大火隔水加蓋蒸一小時以上至糕全熟。
7將糕反扣上碟，攤凍。
可以就咁切片食，已很清甜。
又可以煎香食，原汁原味，因為全程一滴水都冇加。
再落少少辣油或豉油，就係一款無臘味既純正蘿蔔糕喇。
補多兩張相：
***敬請留言 Please leave your comments***
哇哇哇 呢個真係好簡單呀 唔使落咁多d肥材料 嘻嘻 不過可唔可以講個份量係點啊 粘米粉係唔係落晒600克啊 如果d水唔夠可唔可以再落呀 係唔係要搞到d粉杰身啊 呵呵謝謝你啊
回覆刪除唔該啊唔該啊 嘻嘻 我搵日試下做 不過做第一次我實會失敗架@@ 之前都好想整 不過要落咁多材料 現在你呢個真好啊 會岩好多人架 嘻嘻
回覆刪除好吸引呀!!!
回覆刪除我想整好耐, 但唸起刨蘿白會刨到手軟就....退縮了
回覆刪除你試下整一個蘿蔔咁多丫，其實已經可以整到好多塊糕。我上面第五張相果碟只係半底糕既份量。
回覆刪除你都試下啦。
回覆刪除話整蘿蔔糕巳經講咗好多年都未行動 ,
回覆刪除見你整得咁容易 ,
今年唔再拖喇 !
一於用你教 ge 方法試整先 ,hehee .
喂喂 新一年啦 新年快樂 身體健康 開開心心啊 繼續整多d野食呀)))))))))))))))))))))))))))))嘻嘻
回覆刪除大家咁話呀！我整親既都係cheap野黎乍，哈哈。
回覆刪除今日買咗粘米粉喇 ! 但係未買蘿蔔,
回覆刪除點樣楝蘿蔔先至靚 , 同埋開半包粉要買幾大個蘿蔔先啱 . thx