嘩，搞乜呀，隻蛋煎到咁老，又乾。冇法啦，開新鑊呀！
屋企已經買左幾款Lodge鑄鐵廚具，都係響網站從美國訂購，而家香港都有Lodge賣。
行超市見到呢個六吋半Skillet仔，百幾炆，忍唔住買左。
Skillet仔最岩用黎煎蛋，你睇佢既logo都係煎緊蛋。
我都知道呢種鑄鐵鑊要用一排用到鑊面「起油積」先會好用，所以第一次開鑊預左會黐。
結果燒熱鑊，一放蛋入去就黐住唔郁得，真係黐到好貼服，鑄鐵鑊好傳熱，熄左火都繼續煎緊，就咁就煎到隻蛋又老又乾，即使攤凍晒都鏟唔起，結果監硬黎，真係「陷」包散！
睇怕要用呢隻鑊煎靚靚荷包蛋，先要用佢一排先得喇。
結果燒熱鑊，一放蛋入去就黐住唔郁得，真係黐到好貼服，鑄鐵鑊好傳熱，熄左火都繼續煎緊，就咁就煎到隻蛋又老又乾，即使攤凍晒都鏟唔起，結果監硬黎，真係「陷」包散！
睇怕要用呢隻鑊煎靚靚荷包蛋，先要用佢一排先得喇。
你唔講我都唔知要用一排先得，如果係我，我可能已經鬧間廠，點解整D咁差既鑊賣比人用！
回覆刪除係呀，呢種鑊係越用越唔黐架，唔用洗潔精洗，專登要留一層油面。
回覆刪除我係沙田都見有呢款鐵鍋, 唔係貴, 有點心郁郁, 不過我己經有好多鐵鍋.
回覆刪除呢隻鑊仔岩岩好煎一隻蛋，等佢個底唔再黐時煎荷包蛋應該會幾好用，因為有個鑊邊頂實，容易將隻蛋對摺。
回覆刪除下 乜要用一排呀 以我乜都要快既性格 我諗我唔會買囉 嘻
回覆刪除係呀，要用耐左索夠油先唔黐，呢種廚具容易俾人油淋淋唔乾淨感覺，女士可能唔鍾意。
回覆刪除請問呢款鐵鍋係邊度買架? 我都好想買返個.
回覆刪除