咖哩豬柳飯 Curry Pork With Rice

要食咖哩豬柳飯，除左要煲飯，當然就係要煮一大兜咖哩豬柳啦。


唔鍾意豬柳，可以整牛柳、牛腩，不過咖哩牛食得太多，所以想試下豬柳。

材料：咖哩粉兩包，今次用左冠益華記小包咖哩粉。洋蔥一個。番茄一個。豬柳一條。椎果適量(可以唔落)。香葉兩片。


肥哉版做法：豬柳切片，用醃料醃夠時間，最好醃過夜。洋蔥、番茄、椎果切細粒。燒熱鑊落油，落咖哩粉爆香，落洋蔥、番茄、椎果，再落冰糖、加水先煮個咖哩濃汁，要煮到洋蔥番茄同椎果都溶入汁中。另外用薑片起鑊，落油，爆炒豬柳片，炒至微焦香，加入咖哩汁中，再煮至豬柳全熟，汁液夠濃稠即可盛起。


嘩，呢碟咖哩豬柳，可以夠送好多碗飯，唔駛整第二樣送啦。


咖哩豬柳飯到，熱辣辣，想食「大辣」就再加辣油啦，正！