鹽焗雞 Baked Salted Chicken

我好怕整有頭有眼既食材，例如雞、魚，所以好少整，蝦係例外。又唔識斬雞，所以完全未整過全雞。

見惠康有斬好左冇頭既江豐雞，半隻一包，就買左一包。用半包鹽焗雞粉，想試整鹽焗雞。

我知道一開始就已經唔岩，因為隻雞已經斬左，雞皮焗完肯定會收縮，味道亦會流失，不過好過冇得整啦。

做法：將雞索乾水，落大約半包鹽焗雞粉，紹酒，海鹽，少少糖搽勻雞件，砌番好，醃佢兩小時。

用錫紙包好，放入焗爐用200度焗30分鐘，即可上碟。

個樣同味道都可以啦，不過雪雞點都冇得同新鮮雞比架喇。