番茄牛肉炆關廟麵 Braised Guanmiao Noodle With Tomato Paste And Beef

關廟麵號稱煮唔爛，最岩用黎炆。

食剩一個大番茄，買埋牛肉，就整左呢碟番茄牛肉炆關廟麵。

做法好簡單。先醃好牛肉，醃佢一個鐘以上要入味。番茄切碎。關廟麵先煮開再過冷河。



燒熱鑊，落油，落薑片，落牛肉爆炒至轉色兜起。原鑊落番茄，加水煮至番茄溶成茄醬，調味，落牛肉再煮一陣。

煮成一個番茄牛肉濃汁。

最後落關廟麵，拌勻炆至開始收汁，再落芫茜。

炆煮至麵全部吸收醬汁，即可上碟。



分開一人一碟，三扒兩撥已經食晒！