乖乖豬過馬路(紅蘿蔔青瓜薯仔馬蹄炆排骨) Braised "Traffic Light" Pork Rib

薯仔炆排骨係每一家既家常送，我今日試下加多三樣野落去：



1) 紅蘿蔔
2) 青瓜
3) 馬蹄

咁就變左碟「乖乖豬過馬路」又名「紅綠燈排骨」。乖乖豬過馬路當然就係要睇住紅綠燈啦！
紅蘿蔔(紅燈)，青瓜(綠燈)，薯仔(黃燈)，馬蹄(馬路)，排骨(乖乖豬)，哈哈哈！

加入紅蘿蔔、青瓜、馬蹄，成個送口感豐富好多，而且更加有益。我既做法係要令薯仔最腍、紅蘿蔔小腍、青瓜爽、馬蹄脆。



先將一字排醃好(醃過夜)，燒熱鑊落油落薑片，爆香排骨，跟住落切滾度既薯仔，爆炒一陣，加水加蓋炆煮至熟。



接住開蓋加入切細滾度既紅蘿蔔，又炆一陣，跟住落中滾度青瓜同馬蹄，兜勻煮滾即可。



用蠔油、老抽調味加色，炆煮至汁液濃稠即可上碟開飯！



嘩，呢隻乖乖豬同馬路紅綠燈都好好食架！