「老人家」眉豆花生雞腳排骨湯 Old Yellow Melon, Black Eye Bean, Peanut, Chicken Feet, Pork Rib Soup

去街市買料煲湯，行下行下，見到菜檔賣老黃瓜，就買左個黎煲湯。



檔口大叔見我拎住個老黃瓜，就話「煲老人家」呀！



呢個大叔都幾搞野喎！老黃瓜又真係幾似老人家，黃晒、巢晒、起晒皺紋、皮膚粗鞋仲爆拆、又生左一粒二粒老人斑。。。

不過老黃瓜裏面非常嫩滑，煲出黎個湯仲好清潤添架。



買埋眉豆、花生、排骨頭、黃油雞腳，落埋紅棗、蜜棗。



煲三個鐘調味可以飲得，如果再煲，老黃瓜同眉豆都會溶晒得番層皮。



好味！飲湯記得食埋湯渣呀！