香草煎三文魚柳 Pan-Fried Salmon Fillet With Oregano

我從未買過三文魚做送，今日去到超市，唔知買咩好，咁岩行到凍櫃前，就買左呢舊挪威三文魚柳。





響雪櫃摷番樽牛至葉碎，用黎醃魚，就整左呢碟香草煎三文魚柳喇。



三文魚柳起皮，切成大塊，用香草(我落左Oregano Leaves碎)，少少鹽醃一個鐘以上。



燒熱隻平底鑄鐵鍋，落牛油，再將三文魚逐塊放落去煎。



煎至兩面金黃，焦香程度隨個人喜好，我鐘意香口D，就煎耐D。



切少少生菜絲墊底，放上魚塊，再用個「士多啤梨汁」圍邊，就大功告成！

士多啤梨汁係用果占開水再煮濃稠做成，好簡單。