雙芹炒雞丁 Stir-Fried Double Celery And Chicken Dice

鍾意食芹菜既人見到呢碟野一定會好開心，因為唔駛揀，中芹西芹我都落晒，一齊食！



中芹兩棵，西芹一大棵用四條已夠，雞柳一包，紅蘿蔔少量。

中芹切度，西芹批皮切斜度，雞柳切丁醃好，我專登用老抽醃，等一陣炒起個色深D，如果唔係雞肉會白晒晒。紅蘿蔔切三角片。

先用薑片起鑊，大火爆炒雙芹同紅蘿蔔片，炒兩炒即兜起。



再落油燒熱，落雞丁大火爆炒，贊水贊酒，將雞丁炒到將近全熟。



將雙芹紅蘿蔔片回鑊，炒至雞丁全熟，埋獻略收汁，即可上碟。



有益，爽口，甘香，開胃！