白豆角炒肉條 Stir-Fried White String Bean And Meat Strips

滾紫菜冬瓜肉丸湯用剩一大舊鯪魚豬肉混合肉膠，將佢煎香，就咁食其實都好香口。



切左D頭頭尾尾就咁食，剩番呢塊肉餅，再切條，用黎炒多碟白豆角肉條。

白豆角一札仔三元，再加幾隻乾紅指天椒，蒜片，乾蔥片，材料就係咁簡單。

白豆角切度，燒熱鑊，落油，爆香蒜片、乾蔥片，薑絲，落白豆角，邊炒邊贊水，炒至差唔多熟。



加入肉條，紅指天椒乾，大火爆炒，贊酒，調味，埋獻，收汁，上碟。



白豆角我唔鍾意煮得太腍，鍾意有少少咬勁。魚肉豬肉條非常搭配，好味。