蓮藕冬菇炆豬腩 Braised Lotus Root With Mushroom And Pork Belly

蓮藕除左用黎煲湯，用黎炆都唔錯。今日買左一塊豬骨腩，就用黎炆蓮藕。

加埋冬菇，就可以整到一個「蓮藕冬菇豬腩煲」。

蓮藕今次唔用切，係拍開成碎塊，呢個方法係行政總廚教落既。

有骨(軟骨)腩出水後切大塊。冬菇一開三調味醃好。

燒熱鑊，落油，落一磚南乳，兩片薑爆香。再落豬腩爆炒至微焦香。

落蓮藕、冬菇，炒勻，贊水至蓋過材料，加鑊蓋用中文炆至腩肉腍身。

最後轉入瓦煲仔，落葱段，加蓋再炆至開始收汁滋滋聲。

一餐一次過食唔晒成煲，可以分出一部分上檯，留起另一部分，唔駛響個煲內夾夾下，食唔晒下餐食個感覺就好似食送尾。