古坑炆全豬 Braised Pork With Pig Offal

同屋企人去試美心既客家菜，叫左其中一味係呢煲「古坑炆全豬」，睇個名初時覺得「全豬」喎，點食得晒呀，原來係：

豬腩肉 + 豬肺 + 豬潤 + 豬粉腸 + 豬肚 + 豬手一齊炆，用白蘿蔔墊底。哈，咁又係可以算「全豬」喎，個名幾有意思。

加埋豬耳、豬利、豬心、豬腰就更好更全啦。

我從未食過炆豬肺，食牛雜既牛肺就食得多。味道都唔錯，中意食內臟既應該會幾開心。呢個煲有幾大陣內臟味，唔中意內臟就千祈唔好點呢味。