魚露五香雞翼(炸+蒸) Fish Sauce Five Spices Chicken Wings (Deep Fried + Steamed)

本來只係整炸雞翼架，因為好少好少炸野，想整番次炸雞翼，後來炸炸下，覺得好熱氣，炸咁多唔掂！

於是炸左六隻之後就改為蒸。

結果變左一雞兩製，又炸又蒸。

做法非常簡單，雞翼用魚露、五香粉、紹酒、糖、薑汁醃勻醃過夜。

第二日就生炸。



蒸就用蒸籠乾蒸。

蒸好之後，已經食左四隻雞翼，剩番兩隻影合照。炸香口，蒸香滑，各有各好食，攤凍左就蒸更好食！