花雕酒袖珍食譜 Hua Diao Wine Mini Recipe

屋企樽煮送花雕用晒，去超市買，花多眼亂，唔知買邊樽好。



見到呢支花雕酒，樽頸吊住個招牌仔，打開一睇，原來係個袖珍食譜，就買左佢。



食譜用繁體字印，睇兩睇就知係由簡體字用機器轉過黎，錯漏唔少，反而平添額外閱讀樂趣！

你地睇下啦。



下面一款「三絲敲魚」真係第一次睇到，做法係將魚肉「用小木槌敲成魚片」，精彩！




呢款「海米珍珠筍」最後係要「顛炒」，真係唔知點為之「顛」炒呢？妙！

我最想跟佢整既係最後一味「醉雞」。不過唔知點解明明教人「放入鍋內加入葱、姜(薑)和水，加蓋」但係跟住又要「以強微波燜20分鐘取出」？個鍋唔知點解變左微波爐！