今日想炒芥蘭，點知成個街市都冇芥蘭賣。結果去左隔離村街市，得兩檔有，一檔16元斤，一檔14元斤，貴呀！
14元斤乾水芥蘭好似仲靚D，就買左一斤。返屋企整個分體式炒芥蘭。
數一數，一斤14棵，即係1蚊1棵。
行政總廚炒菜好豪架， 一斤摘剩半斤炒，已經好忍手。佢炒芥蘭係唔會要D葉，淨係炒蘭度。咁搞法炒埋都唔夠一碟，太浪費喇。我食菜鍾意食葉，其實花都好食，於是乜都唔掉！將棵菜分體，好以整牛雜咁，剪開肺、腸、膀、肚。
將棵芥蘭分成四部分：葉、葉柄、莖(即蘭度)、花。全部炒黎食！
蘭度要削晒皮先炒得，削到我手軟，呢碟炒芥蘭係功夫菜黎！
用薑絲爆香，先放蘭度，再放花、葉柄，最後放埋葉。
落鹽、冰糖、贊水、贊酒炒至岩岩熟。
葉炳放碟底，葉同花圍邊，上面鋪蘭度，咁就冇浪費，一斤可以炒出一大碟啦！
只要芥蘭唔係太老，全部都可以食晒架！
貴到不得了 22元都試過 一餐餸都可能要100元 係2個人食 仲係唔夠食咁 如要有埋湯 肉都要買40元至夠
回覆刪除嘩！呢幾天，啲菜貴到跳起.............
回覆刪除這兩天只能改吃瓜，豆，唉！
高人：點解你炒芥蘭，炒完都咁青綠嘅？
回覆刪除我次次炒完就會好黑㗎喇？我都係用冰糖，不過好怕，冰糖未溶晒，芥蘭巳全熟喇。。。
好冇信心煮！
出街食都係好貴。自己響屋企整始終都係平DD。
回覆刪除係呀。豆腐似乎比較抵食，雖然都係加左價成倍。
回覆刪除我炒到岩岩熟就收火，菜可以響碟上熟，所以唔駛炒到全熟先收火，係唔會炒到黃架。次次都可以咁青綠喎。
回覆刪除冰糖中碎先落，用冰糖感覺芥蘭會令身D。