萵苣炒豆豉鯪魚 Stir-Fried Lettuce With Fried Dace And Salted Black Beans

一直覺得萵苣(萵筍)係怪物，唔知點整，所以冇買。最近響網上討論區見到有人炒萵苣，於是又學人整下。



買一條試試，九個半。



用黎炒一條豆豉鯪魚。



萵苣莖部批去表面的硬纖維，然後切成條狀。可以切絲賣相會靚D，不過我懶切條算數。

豆豉鯪魚一條，搣絲，豆豉適量。先爆香豆豉鯪魚，鯪魚要爆炒至硬身少少，一陣回鑊炒萵苣先唔會變得太腍。



兜起豆豉鯪魚，再炒萵苣，落少少鹽，贊水贊紹酒。

再將豆豉回鑊，連同萵苣炒香，最後將鯪魚回鑊，炒至收汁即可上碟。



萵苣超爽脆，味道甘甘地，同豆豉鯪魚都幾夾！