鹿牌保溫瓶係北京名牌，我地香港地就叫熱水壺或者暖水壺。
呢隻壺既特色就係「娘」，銀紅底色係佢經典本色。
噴上大大朵牡丹花，大紅大紫又粉紅又金黃咁，真係娘到爆。
但係就係呢種獨特光色，佢成為北京日用品懷舊經典，呢隻鹿仔係有51年歷史既名牌。
睇下個壺蓋同個裸水松塞，真係有時光倒流三十年既感覺。
內膽有張合格證同說明書架！
壺底有螺旋可以上緊個內膽。
呢隻壺其實都係香港人回憶，佢雖然唔夠本地駱駝嘜咁流行，不過都曾經走入唔少平民家居。
睇下睇下，佢又娘得幾獨特，幾有性格，幾有型！
呢兩個北京生產既鹿牌保溫瓶(熱水壺)，一個莊滾水，一個莊熱茶。符合國家推薦保溫瓶標準，不過可能係最後一批絕版貨！
據報道，北京鹿牌係高污染工業，2012年中已停產，並要遷出北京，響內蒙設廠再生產。咁即係話以後既鹿牌就唔係原廠北京貨喇。
所以而家有買又係要趁手喇！
高人 : 你收埋咁多古董, 幾時換大屋.............???
回覆刪除我上年見到有出返呢o的保溫瓶, 好似"駱駝牌" 咁樣, 本來想買返隻, 但係新出o既保溫瓶個蓋, 竟然係尖o架, 好核突呀............
高人, 多咀提提.......個保溫瓶"水叢蓋", 好伕像有點發"黑", 有冇考慮換返個蓋呢???
回覆刪除若果少開, 因住會 "o禺菌"........
我覺得鹿牌有型過駱駝牌，屋企一向用開駱駝牌不銹鋼壺。
回覆刪除係呀，因為我洗濕左，佢索左水會變深色。如果唔乾番就塞番入去，會發霉添架。呢D就係舊野既弊處。屋企有個白布包住既塞，不過可能仲衰，因為發霉都睇唔到。所以用水松塞，要淥下佢先好用。
回覆刪除個 flask 好懷舊呀，尤其是個 stopper , 令我想起細個幫亞媽堡水， very good.
回覆刪除每次要煮野食就會黎呢道一轉，你真係好有 heart 呀，
D 送又好味，support you !
多謝你支持呀！
回覆刪除珍品！好好收藏，one day 價值連城！
回覆刪除北京貨真係要買就快，六十幾元就有交易喇。
回覆刪除