呢隻唔係鹹肉粽，我落左冬菇、蝦米、瑤柱、花生四樣做餡，就叫四寶粽啦。
我唔落五花腩，又唔落油。
第一隻係用番檔口隻粽四塊葉同條百幾吋既水草葉黎包扎。
學番佢咁包。
唔包開其實唔容易控制，只可以整成咁。
另外包多四隻，用左一扎粽葉，剩番兩塊。
同個鋼煲烚佢三個半鐘。
三個半鐘之後，攤凍秤一秤，輕過檔口隻粽一安士。
首先梗係開番第一隻檔口葉包個隻啦：
都算可以掛？
隻粽好「綿」，「綿」過檔口個隻。冬菇、蝦米、瑤柱、花生又香又腍。如果有舊肥美五香五花腩，其實仲好，加埋漏油鹹蛋黃，更好。不過為左健康，都係唔落喇。
補番個材料同做法：
1糯米隔晚浸，瀝乾水，落少少鹽同雞粉撈勻。
2綠豆仁洗淨浸二小時，瀝乾水。
3冬菇(要冬菇，唔要花菇)浸軟，剪開一半，渣乾水，落少少紹酒、糖、生抽醃一醃。
4蝦米洗淨浸軟。
5瑶柱浸軟摘去硬塊撕開。
6花生洗淨。
用竹葉四塊包一隻四角粽，先用大火烚再改中火烚三個鐘以上。
哇哇哇 好勁啊 我都想要一隻試下啊
回覆刪除好靚啊d顏色 一定係唔錯架姐 嘻嘻 個背景係條草啊 好特別喎 又係唔錯姐
回覆刪除哈哈，請你食三隻都得，一食食三隻都唔怕，冇油架佢。
回覆刪除冇肥豬肉冇五香粉，始終差咁D。要靠撈糯米D鹽同雞粉同埋香菇瑤柱增味！！
回覆刪除係呀係條咸水草黎，估唔到成一百零八吋長架！
隻粽好靚, 如果加肥腩, 可能係會香D,原來煲粽要3個鐘。
回覆刪除多謝你呀！我唔識包，第一次包乍。本來想包五角粽，但係好似四角易D。響網上睇有人話大火一個鐘就得，我係用中火煲，又想煲綿D，所以煲左三個半鐘。結果真係好綿，如果唔鐘意食太綿，就唔好煲咁耐。
回覆刪除原來你第一次包,真係好叻,包得很好。
回覆刪除包得唔好，唔識用力，又唔識扎繩。要多練先得，但係整一次已經搞個個廚房烏煙瘴氣。
回覆刪除wow！SUPER!! 真沒想到可以在自己家做出這麼好的粽子。好有創意～ 很想學著做，但不知道要到哪裡去買葉子。端午節快來了，好想吃粽子呀，唐人街都是糯米雞～
回覆刪除粉愛原來妳響外國架？
回覆刪除在家做粽唔難喎，係香港可以好容易買齊所有材料。如果你買唔到粽葉，可以好似我咁，去買幾隻粽，然後用番佢D葉黎自己再包過。買糯米雞都得，可以用番塊蓮葉黎包裹蒸粽。
哈，這個主意太好了。明天就去中餐廳買粽取葉，別的材料都準備齊了。週末在家試試看。多謝：）ps,英國的唐人街幾乎都是香港人開的，不過味道麻麻地。
回覆刪除