上星期買左三個薯仔唔記得食，唔知用黎做乜好，見到雪櫃仲有一舊臘肉，又有冬菇蝦米之類。今日落大雨唔想出街，你話整咩好呢？自然就會想到煎薯餅！上網扒下文，一於整碟生煎薯仔餅啦。
睇下，落足料架。
薯仔刨粗絲，先渣乾水，再落多少少鹽醃佢半小時以上，醃到薯絲出水，再渣乾備用。
臘肉放飯面蒸熟取出切粒，冬菇浸軟切粒，蝦米洗乾淨。
用欖油起鑊，爆香薑絲、乾蔥粒、洋蔥粒，再放入臘肉、冬菇、蝦米，炒一陣。
將以上材料兜起，放入薯絲上，再落薯粉(如冇薯粉落其他粉啦)，雞粉，少少玉桂粉，加少少蔥粒，再加一隻蛋，全部攪勻成薯漿狀。
燒熱鑊，將薯漿捏成球形放入壓成餅狀，煎至兩面黃，即可上碟。
再灑少少蔥粒襯下色，唔錯喎，比想像中好食！
好想食啊 不過一次要整咁多 冇人食 得我食架咋 所以呢味 都係得個睇字
回覆刪除呀 可以落其他粉啊 高筋粉得唔得呀
回覆刪除呀 肥哥哥 嘻嘻 我個麵包機呢 我唔用咁多嚟焗麵包啦 改為你上次講咁 只做麵團 之後用焗爐焗 哈哈哈 d包包仲鬆軟啊 仲可以加我中意既材料 仲好呀 嘻嘻 我依家呢 慢慢都可以做到個圓形啦 之前我唔得架 哈哈哈 好開心啊 你得閒我睇下啊肥哥哥
回覆刪除快樂你好呀！請你食番兩塊啦！我都係食左兩塊乍。三個薯仔可以整到八塊，都算抵食夾大件。
回覆刪除我上次煎蠔餅買左一包薯粉，冇機會用，今日煎薯餅仲唔趁機落咩，哈哈。冇薯粉咪落粟粉或者生粉，麵粉都得既。
回覆刪除呢D叫做工多藝熟呀快樂，你一定會越整越好。我就唔得喇，好少整麵包，我想整甜餐包，即係火腿蛋包、叉燒餐包個種包呀，你有冇整過呀。我去睇睇先。
回覆刪除薯仔餅整得好靚!
回覆刪除呢個用黎做早餐OR TEA 都唔錯呢 屋企仲有D臘肉 下次試下整埋佢先
回覆刪除煎到金黃色好正呀, 我未試過整, 下星期日試下先....
回覆刪除多謝你呀！我諗隻鑊應記一功。
回覆刪除好呀，你都試下啦。都幾易整，要將薯絲渣乾水呀。
回覆刪除好呀！試下啦。薯絲好易熟，唔駛預先整熟，就咁生煎就得。
回覆刪除Many good dishes
回覆刪除Thats what we call YUMMY
Thank you very much! Your drawings are wonderful!
回覆刪除嘩，隨隨便便都咁足料，好正呀﹗
回覆刪除除左薯仔，其他材料都係屋企常備架。
回覆刪除肥哥哥 你得閒睇下我個blog啊 有d叫做狗爪螺啊 睇下你見過未啊 係又食海鮮個網誌啊
回覆刪除未聽過呀，等我去睇睇。
回覆刪除肥哥哥 用機做既麵團之後用焗爐焗 真係好得架 真係好好食 好鬆軟啊 可以比美普通嗰d麵包店架 哈哈哈哈 同埋呢 我整既形真係開始掂啦 嘻嘻 比起以前真係好好多呀 哈哈哈 好開心啊 你得閒又去睇下我個blog啊 又有新包包啦
回覆刪除你真係好叻呀，又有恒心！我星期日又試下。不過整左幾次，個包都比較實，我懷疑係d發粉唔岩。
回覆刪除肥哥哥 試下用呢隻烤母啊 百記超市有得買啊 真係好好呀 嘻嘻 期待你既包包啊肥哥哥
回覆刪除您好，我買了入廚三十年四冊，原價200港幣，家庭食譜二冊，原價30，中國點心，一冊，原價25，好像我的家庭食譜和您買的價格不同，不會是盜版吧，我是在網上找的代購，但是我看小票不是啊，難道同個書局的價格也不同嗎？謝謝
回覆刪除打錯字了，是家庭食譜，上下冊，每冊後面標識十五元。
回覆刪除另外再打擾一下，陳榮老師的書內的兩，是指半斤等於八兩，還是半斤等於五兩...
回覆刪除因為家庭食譜，我看比您買的便宜，我就有些迷糊了，我是在今年購買的，分上下冊，每冊後面顯示15元港幣
謝謝您，感恩!感恩！
唔該你，我聽日就去百記睇下。不過已經買左成樽發粉，都唔知點用完佢。
回覆刪除你好，入廚三十年四冊，原價是200呀，在陳湘記書店買有八折，即是160元。家庭食譜二冊，在陳湘記買特價45元。價錢差不多吧，陳榮的書重印了好多次，可能不同時間印的，售價會不同吧。這有可能的。
回覆刪除家庭食譜上下訂價45元，八折36元。書後標識的確是十五元，是書局加了價再打折扣。
回覆刪除陳榮師傅是在香港出的書，他教授烹飪也在香港，一斤是十六兩，半斤八兩。
回覆刪除這上下兩冊家庭食譜，每冊原來印的價錢是十五元，兩冊就是三十元了。我的是一九八四年五月再版的。只是香港書店提高了價格。你買的應不是盜版吧，放心用好了。