冇「桿麵棍」呀，又係第一次整，整左十四個大小不一既「牛油(肥)捲」。一路食一路影，整完已經食左四個喇，咁搞法想唔肥都幾難。
換左快樂介紹既酵母粉，發得好過以前。以前隻粉原來不適用於麵包機。
參考象印麵包機食譜p.22頁「牛油捲」照做架。
將材料照抄出黎：
牛奶半杯(係象印附送個隻杯計)
大雞蛋一隻
高筋麵粉二又三分一杯
砂糖二湯匙
鹽半茶匙
牛油四分一杯 (其實都好多，整過先知驚！)
乾酵母一茶匙
蛋糊(搽麵糰面用)：
大雞蛋一隻
水四茶匙
做法：
將材料放入機，製成麵糰 (要一小時四十五分鐘)。
將麵糰取出，分成14個麵糰仔，用保鮮紙蓋住靜放二十分鐘。
將麵糰仔搓成十四個「牛油捲」，我搓得好差呀，算啦！放在已抹油的烤盤上，噴一些水，放在暖的地方三十至四十分鐘，讓其繼續發酵變大。
掃上蛋糊，放入預熱局爐，用160度局10分鐘(我既局爐Tefal計)。
形狀大小控制唔好，唔係好識搓粉，我諗要練多幾次先得。食就可以啦，都算鬆軟，不過仲可以更鬆軟。
趁熱食最正，外皮香脆，裏面香軟！
哈哈哈哈哈 冇錯呀 一定可以再鬆軟d架 我個d真係好鬆軟架 嘻嘻嘻 加油啊 牛油四分一杯 係啊 成55克架 好勁啊 不過我又係照落
回覆刪除以前隻粉原來不適用於麵包機 哈哈哈哈哈哈哈 你真係啊 咁你點知啊 烤母呢 我買機既時候個呀姐介紹比我架 我先至知呢隻好好用啊 佢話呢隻麵包機呢 係用呢隻烤母粉最好架喎
回覆刪除自己整過先知一個普通包仔，原來有好多糖，牛油仲多。
回覆刪除係呀，酵母粉有D唔係俾麵包機用架。我咁岩就買左只用於Tradition HANG Baking 既粉，唔適用於機器。仲買左成樽。個D乜粉物粉全部都係英文，一個中文字都冇架，好似叫人唔識英文就唔好整包咁喎，真係XY@*>!!#
回覆刪除係呀係呀 我有焗爐之後 當然好想整蛋糕啦 有d咪一盒盒蛋糕粉既 全鬼部係英文喎 只係睇到咩 egg同milk 其他就唔識睇啦 好彩係個網到見到d blog友整 我至慢慢學識點去買粉同其他d野咋
回覆刪除點解唔夠你D包咁鬆架？係咪你發既時間仲要耐D？定係同麵粉牌子有關？
回覆刪除