今日又見到街市有白瓜賣，買左三條要十三元，再買左二十元脢頭豬肉，整一送一湯。
先整個送：白瓜炒冬菇豬肉。
將脢頭肉帶少少肥既部分切片，醃好備用。
冬菇六隻一開三，浸軟，醃好備用。
白瓜兩條刨皮去核，切度。
先炆好冬菇同豬肉，炆到入味，鏟起，再炒白瓜，然後將冬菇豬肉回鑊，校味、埋獻，再落少少乾指天椒絲，兜勻即可上碟。
冬菇豬肉濃香，白瓜清夾，炒埋一碟，可以互相平衡。
沒有留言:
張貼留言