豉汁清蒸排骨 Steamed Spareribs With Fermented Black Bean Sauce

響惠記買左兩包新鮮有骨肉排，最基本既做法就係用黎整番碟豉汁蒸排骨啦。今次黎個「清蒸版」，即係唔將豆豉舂碎成「漿」，又唔特別多加生粉。

排骨用鹽、糖、紹酒、生抽、醃一晚，整之前再落少少水，再加粟粉撈勻。

再落豆豉、蒜頭、薑絲、指天椒粒將排骨撈勻。

水滾計蒸20分鐘即成。今次蒸出來既「豉汁」好多，可以倒起一D。

有人話醃好後，落多D生粉可以封住排骨，蒸時唔會出太多水，但係其實都係會出水，太多生粉食時會「膠口」，所以都係隨個人喜好啦。