核突生癪碗 Horrible Dirt-Stained Bowl

而家D平民飲食業真係越做越差，其實好多茶餐廳粉麵店已經好耐冇用瓷器碗碟，改左用膠碗碟。我諗係因為瓷器易爛，膠野襟用掛。

不過D膠碗碟唔襟「省」，用耐左，俾類似百潔布呢D粗洗工具省到蝕晒，尤其是係D膠碗，碗內壁已經被洗刷到鞋十十，積左層層陳年污癪，深入內層。洗碗果位又求其(又或者要快)，結果日子有功，隻碗外面米白色，內壁水位以下係啡色甚至深啡色既。隻隻都係咁，話之你，照用黎裝湯河湯麵俾客人食，一次半次唔多覺，次次係咁，稍為諗起都反胃。

你試下認真洗晒D污積出黎睇下，包你作嘔。

不過香港人真係好忙，趕時間求其填飽肚就算啦。仲有種心態係十零二十元碗野想點呀，咁多要求！咁就日日幫襯，顧客冇要求(又或者係冇得揀)，好多老闆就得過且過啦，唔覺唔覺衰DD，唔覺唔覺又衰DD，一個地方既飲食品位就江河日下喇。唉。